Вечер у камина

«Романс сиқыры» топтамасы концерт

«КАМИН ЖАНЫНДАҒЫ КЕШ»

(Қазақстанның халық әртісі Хорлан Қалиламбекованың мерейтойына орай)

КОНЦЕРТ ҚАЗАҚ ЖӘНЕ ОРЫС ТІЛДЕРІНДЕ ӨТЕДІ

Ұзақтығы 1 сағат 30 минут

Жас шектеуі 10+ екендігіне назар аударуды сұраймыз

Дирекция орындаушылар мен орындалатын шығармаларды ауыстыру құқығын өзіне қалдырады

Дәстүр бойынша қыстың ұзақ кештерінде «Астана Опера» театрының солистері мен аспапшы музыканттары камералық-вокалдық өнер сүйер қауымды «Камин жанындағы кеш» поэзиялық атауымен концертке шақырады. Музыканттар бұл романтикалық кешті Қазақстанның халық әртісі, «Парасат» және «Құрмет» ордендерінің кавалері профессор Хорлан Қалиламбековаға арнайды.

Көп жыл бұрын Күләш Байсейітова атындағы театрда «Камин жанындағы кеш» атты қысқы концерттердің идеялық шабыттандырушысы әрі ұйымдастырушысы осы Хорлан Ихсанқызы болған еді. Бұл топтама елорда көрермендері арасында қазір де ерекше танымал. Сахнаның безендірілуіне сай орнаған жайлы романтикалық атмосферада романстар мен әндер, әсем әуендер ғана емес, сонымен қатар жүрек қылын қозғайтын поэзиялық шумақтар да орындалмақ.

Сахнаға солистермен бірге ұзақ жылдар бойы «Музыкалық қонақ бөлме», «Камин жанындағы кеш» концерттерінің, романс кештерінің, музыкалық-поэзиялық кештердің және тағы басқа жобалардың бағдарламаларын бірлесіп жасаған Қазақстанның еңбек сіңірген қайраткері Раушан Бескембировамен тұрақты концертмейстер Хорлан Ихсанқызы шығады.

Бағдарламада орыс композиторларының романстары мен қазақстандық авторлардың шығармалары, сондай-ақ қазақ және орыс ақындарының өлеңдері шырқалады.

Концертке қатысушы опера солистері мен аспапшы музыканттардың қатарында атақты әншінің шәкірттері де бар.

ОРЫНДАУШЫЛАР:

Салтанат АХМЕТОВА, Қазақстанның еңбек сіңірген қайраткері (сопрано)

Ғалия БАЙҒАЗИНОВА, Қазақстанның еңбек сіңірген әртісі (сопрано)

Бибігүл ЖАНҰЗАҚ, Қазақстанның еңбек сіңірген қайраткері (сопрано)

Айгүл НИЯЗОВА, Қазақстанның еңбек сіңірген қайраткері (сопрано)

Павел ЧЕРНЫХ, Ресейдің еңбек сіңірген әртісі (баритон)

Жанат ШЫБЫҚБАЕВ, Қазақстанның еңбек сіңірген қайраткері (баритон)

Азамат ЖЫЛТЫРКӨЗОВ, Қазақстанның еңбек сіңірген қайраткері (баритон)

Айзада ҚАПОНОВА, «Құрмет» орденінің кавалері (сопрано)

Елена ГАНЖА (сопрано)

Елена НИЗАМУТДИНОВА (сопрано)

Баян ЖҮСІПОВА (меццо-сопрано)

Қияқбай АСАНБАЕВ, Қазақстанның еңбек сіңірген қайраткері (тенор)

Балжан САПАРОВА (флейта)

Алмат ІЗБАМБЕТОВ (тенор)

Магруфа МҰҚАЖАНОВА (арфа)

Фортепиано партиясы Раушан БЕСКЕМБИРОВА, Қазақстанның еңбек сіңірген қайраткері

«Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді