Спартак (AstanaOpera)

Арам Хачатурян

«СПАРТАК»

3 бөлімді, 12 көріністі, 9 монологы бар балет

Либреттосын жазған Юрий Григорович

Рафаэлло Джованьоли романының оқиғасы мен көне тарих желісі бойынша

Николай Волков сценарийінің қолданылуымен

Премьерасы 1968 жылы 9 сәуірде Үлкен театрда өтті (Мәскеу)

«Астана Опера» театрындағы премьерасы – 2014 жылғы 6 маусым

1941 жылдың желтоқсанында Ұлы Отан соғысының ең қайғылы күндерінде әйгілі армян композиторы Арам Хачатурян «Спартак» балетін жазуға кірісті. Композитордың пікірінше, Спартактың ержүрек бейнесі мен көне Рим құлдарының көтерілісі туралы тақырып ерекше маңызға ие: «Халықтар адамгершілік тарихы таңында өзінің бостандығы мен тәуелсіздігі үшін күрескен адамдарды біліп, оларды еске алуы керек».

Терең мазмұнға ие «Спартак» балеті – шапқыншылық пен жәбірленушілікке қарсы күрес, трагедиялық қайтымсыз ашу, өшпес ерлік туралы шынайы поэма.

«Спартак» премьерасы 1956 жылдың 27 желтоқсанында Киров атындағы Ленинград опера және балет театрында (Мариинский) кеңестік кезең балетмейстерінің бірегейі Леонид Якобсонның қойылымында өтті.

1968 жылы Мәскеудің Үлкен театрында кеңестік балеттің шебері Юрий Григорович «Спартактың» жаңа қойылымын жүзеге асырды. Ол Л. Якобсон қойылымынан үлкен психологизмімен, қайғылы шиеленісімен ерекшеленді. Әйгілі театр суретшісі Симон Вирсаладзенің жұмысы да мінсіз болды. «Спартак» балеті – музыка, хореография және сурет өнерлерінің шынайы үйлесімділігінің үлгісі болып табылады.

Міне, бірнеше онжылдықтар бойы «Спартак» балеті әлемнің көптеген театрлар репертуарының бет бейнесі болып келеді.

КӨРКЕМДІК-ҚОЙЫЛЫМДЫҚ ТОП:

Қоюшы хореограф – Юрий Григорович, КСРО Халық әртісі, Мемлекеттік сыйлықтар лауреаты

Қоюшы суретші – Симон Вирсаладзе, КСРО Халық суретшісі, Мемлекеттік сыйлықтар лауреаты

Дирижер – Абзал Мұхитдин, Қазақстанның еңбек сіңірген қайраткері

Қойылым жетекшісі және қоюшы хореографтың ассистенті – Руслан Пронин, Ресейдің еңбек сіңірген әртісі

Қоюшы хореографтың ассистенті – Оксана Цветницкая

Жаңғырту бойынша суретші – Михаил Сапожников

Костюмдерді жаңғырту бойынша суретшілер – Людмила Иус / Елена Нецветаева-Долгалева

Жарық бойынша суретші – Алексей Перевалов

Бас хормейстер – Ержан Дәуітов, Қазақстанның еңбек сіңірген қайраткері

Жобаның техникалық жетекшісі – Виктор Караре

«Астана Опера» балет труппасының көркемдік жетекшісі – Алтынай Асылмұратова, Ресейдің халық әртісі

«АСТАНА ОПЕРА» ТЕАТРЫНЫҢ БАЛЕТІ, ОРКЕСТРІ,

МИМАНСЫ ЖӘНЕ ӘЙЕЛДЕР ХОРЫ

«Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді