NAIZA 69

NAIZA 69 Алматыда: Өткізіп алуға болмайтын екі титулдық жекпе-жек!

Кештің басты жекпе-жегінде украиналық жас әрі болашағынан үміт күттіретін чемпион Даниил Донченко (10-2, 7 KO/TKO, 2 SUB) жеңіл салмақтағы белбеуін алғаш рет қорғайды. Оның қарсыласы Alash Pride-тің бұрынғы чемпионы, тепсе темір үзетін, тәжірибелі жауынгер Рүстем Құдайбергенов (8-5, 6 KO/TKO, 1 SUB). Бұл жекпе-жек жанкүйерлердің есінде ұзаққа сақталатыны сөзсіз, өйткені сегізбұрышта екі қайсар мінезді, соңына дейін баратын жауынгерлер айқасады.

Кештің ко-мейн ивентінде аса жеңіл салмақтағы чемпиондық белбеу үшін тартыс өтеді. Дастан Амангелді (7-1, 2 KO/TKO, 3 SUB) АҚШ-тағы әйгілі ATT клубында дайындалып, чемпиондық атағын қорғауға дайын. Белбеуге үміткер Петр Янның спарринг-серіктесі, Open FC-тің бұрынғы чемпионы Вячеслав Свищев (13-4, 10 KO/TKO, 3 SUB). Ресейлік азулы жауынгер NAIZA белбеуін еншілеп алуға бел буып отыр. Жалындап тұрған екі файтер жанкүйерлерге керемет жекпе-жек сыйламақшы.

Сонымен қатар, NAIZA алаңына Бағлан Жақанша, Елжан Әлиасқар, Еділ Оразбек, Сырым Бектұрсын және басқа да мықты спортшылар қайта оралады.