Барокко дәуіріндегі француз музыкасының кеші

 

«Dala Classic» музыкалық агенттігі және «Viles Nobiles» ансамблі тыңдармандарын музыкалық олжаға толы қызықты кешке шақырады.

Жаңа музыканы ашу орындаушы үшін де, тыңдарман үшін де – ғажап оқиға. Концерт ең жарқын ұлттық мектептердің бірі – француз мектебіне және ең құпиялы әрі «кірпияз» музыкалық кезеңдердің бірі – Барокко дәуіріне арналады.

Бұл тоғысу тыңдармандарға өткен кезеңнің аспаптық жауһарларының ғажайып әлемін ашуға уәде береді.

Концерт бағдарламасы:

- Георг Филипп Телеман (1681- 1767) – Париж квартеті № 4, TWV 43:h2, b minor

- Жан-Мари Леклер (1697- 1764) – Флейта мен бассо континуоға арналған соната № 1, ор.2,

- Жан-Фери Ребе́ль (1666-1747) - Скрипка мен бассо континуоға арналған соната № 11, flat major-да

- Франсуа Куперен (1668-1733) – Соната триосы «La visionnaire», minor-мен

Ансамбль «Viles Nobiles»:

Александр Тхай | скрипка*, Ержан Кушанов | флейта**, Вадим Вайнштейн | виола да гамба***, Ильяс Бекишев | клавесин****

Ансамбль «Viles Nobiles» 2018 жылы Алматыда құрылған.

Ұжым ерте бароккодан бастап заманауи композиторларға дейінгі түрлі кезеңдердің әуендерін орындайды. 2021 жылы, Абай атындағы ҚҰОБТ әншілері – Зарина Алтынбаева және Еена Никоновамен бірге ұжымның алғашқы альбомы жазылды. 2020 жылы қазақтың опера әншісі Зарина Алтынбаева «Viles Nobiles» ансамблімен бірге «Bliss International» жапон лейблімен «Барокко жауһарлары»жеке альбомын жариялады. Қазіргі кезде ансамбль Қазақстан тыңдармандары үшін бірнеше әртүрлі концерттік бағдарлама ұсынып үлгерді:  «Барокко сазы», «La musica del Barocco», және «Француз композиторлары туындыларының кеші».

*| скрипка

Барокко дәуірінде аспап үлкен өзгерістерге ұшырап, технологиялық жағынан жетілді. Ал флейталық музыка Барокко дәуірі мәдениетінің маңызды межесіне айналды.

**| флейта

Барокко дәуірі орындаушылық өнерді бұрын-соңды болмаған биігіне көтерді. Жұрт анонимді өнерге қызығуын қойып, әртіске сүйсініп, соны мадақтайтын болды. Музыкалық аспаптарда ойнау өнері шырқау шегіне жетті, бірақ аспаптардың ешқайсысы Барокко дәуірінің рухын дәл скрипкадай сенімді жеткізе алмайтын. 

***| виола да гамба

Виола да гамба – аспап, оның Қазақстанда бірнеше ғана данасы бар. Бұл ескі музыкалық аспап қана емес, ол музыканттар буыны мен музыка бағалаушыларын байланыстыратын нағыз дәуір мұрасы. Қайталанбас үні  мен санғасырлық тарихының арқасында виола да гамба тыңдармандарын әлі таңқалдырып келеді.

****| клавесин

Барокко дәуірінің аспапты ансамбльдері алуан түрлілігімен ерекшеленеді. Бірақ ол кездегі музыкалық аспаптардың бәрінің қазіргідей кейпі болмаған, ал кейбірі тіпті ойлап табылмаған. Ол кезеңнің негізгі аспабы – фортепианоның ізашары клавесин болатын.