Бауырсақ

Шеңбер - мінсіз пішін деген сөз бар. Дәл осы оймен біздің ертегіміздің Бауырсақ есімді ерекше шеңбер тәріздес кейіпкері өмір сүреді екен. Ол геометриялық пішіндердің сиқырлы әлемінде мекен етеді. Өзінің бірегейлігіне кәміл сенімді болған ол, бөгде пішінді жануарларға аса түсіністікпен қарайды екен. Үйінен қашып кетіп, ол өзіне мүлде ұқсамайтын орман тұрғындарын кездестіріпті. Олар - Қоян, Қасқыр, Аю және Түлкі екен. Біреуі ромб тәріздес болса, екіншісі шаршы, ал үшіншісі үшбұрышты пішінді. Кішкентай көрермендеріміз Бауырсақпен бірге жаңа геометриялық пішіндермен танысып, би билеп, ән шырқайтын болады. Бұл славян халық ертегісінің негізінен жасалған, қуыршақтардың қатысуындағы өнегелі ертегі өз-өзіңді және өзгелерді қабылдау тақырыбын көтереді.