ФИЛУМЕНА

Итальяндық драматург Эдуардо де Филиппоның ең табысты және танымал пьесаларының бірі. Осы пьесаның негізінде басты рөлдерде Софи Лорен мен Марчелло Мастрояни ойнаған «Итальяндық неке» фильмі түсірілген. 
Іс-әрекет Неаполда өтеді. Екі онжылдық бұрын табысты кәсіпкер дон Доменико Сориано өз үйіне жезөкше әйел Филумена Мартураноны алып келеді. Үй иесінің әйелі қайтыс болғаннан кейін Филумена дон Доменико маған үйленеді деп үміттенеді, бірақ бұл орындалмайды. Осылайша ол соның үйінде жартылай ашына-жартылай күң ретінде тұрып жатады, сонымен қатар үй иесі Лондонда, Парижде және жарыстарда ойнап-күліп, әйелдермен сауық құрып жүргенде, Филумена оның фабрикаларының, дүкендерінің жұмысын қадағалайды. Соңында Филумена өзінің осындай заңсыз жағдайына нүкте қоюға бел буып, ауыр науқастың кейпіне кіреді. «Өлім халінде» жатып ол дін қызметшісінен соңғы тілегін орындауын сұрайды, бар тілегі дон Сорианомен заңды некеге тұру болатын. Доменико бұған сеніп қалады. Бірақ қалай неке қиылысымен, Филумена дереу айығып кетеді. Доменико өзін алдап соққанын түсінеді. Ашуға булыққан ол алдамшы әйелдің қалай да көзін құртатынына, оның жолында ақшасын да, күш-жігерін де аямайтынына серт береді...