Дон Паскуале

«PICCOLO» ТЕАТРЫ

Гаэтано Доницетти

«Дон Паскуале»

екі бөлімді драма-буффа

Итальян тілінде орындалады

(қазақ және орыс тілдеріндегі синхронды аудармамен)

Ұзақтығы – 1 сағат 45 минут (бір үзіліспен)

Жас шектеуі 10+ екендігіне назар аударуды сұраймыз

Дирекция орындаушыларды ауыстыру құқығын өзіне қалдырады

Либретто авторы – Дж.Руффини, А.Анеллидің «Сэр Марк Антонио» либреттосының желісімен

КӨРКЕМДІК-ҚОЙЫЛЫМДЫҚ ТОП:

Қоюшы дирижер – Абзал Мұхитдин, Қазақстанның еңбек сіңірген қайраткері

Дирижер – Руслан Баймурзин

Қойылымның көркемдік жетекшісі – Алла Симонишвили

Сценограф әрі костюмдер бойынша суретші – Манана Гуниа

Режиссер – Еренбақ Тойкенов

Бас хормейстер – Ержан Дәуітов, Қазақстанның еңбек сіңірген қайраткері

Жарық бойынша суретші – Сергей Кулак

Жобаның техникалық директоры – Виктор Караре

Опера труппасының директоры – Мейір Байнеш, Қазақстанның еңбек сіңірген қайраткері

Бүгінгі таңда таусылмас өткірлігімен, жайнақылығымен, нәзік сыршылдығымен ерекшеленетін «Дон Паскуале» драма-буффасы ең танымал жиырма итальяндық операның құрамына енеді және жыл сайын әлемнің 150-ден астам театрларында сахналанады.

«Дон Паскуаленің» жазылу жылдамдығы бойынша аңыздар таралып жүр. Түрлі дереккөздерде 11 күннен бастап екі-үш аптаға дейінгі мерзімдер аталуда. 27 жыл ішінде өзінің 74 операсын жазған Доницетти үшін бұл – өте жылдам уақыт. Сірә, композитор ерекше құлшыныспен жұмыс жасаған болар.

Ғашық шалдың оқиғасы арқау болған сюжет Доницеттидің замандастарына көптеген әдеби туындылардан таныс еді, сондай-ақ XVI ғасырдан бастап театр сахнасында классикалық комедияларда әрі опера-буффаларда қойылып жүрді.

Шалды үйлену ойынан айныту үшін достары сыпайы «монастырь тәриеленушісінен» әп-сәтте нағыз долыға айналып, күйеуін есінен тандыратын әйелмен жалған неке қиюын ұйымдастырады. Мұндай жағдайлар барлық уақытта да орын алады.

«Дон Паскуаледе» барлығы бар – махаббат, қулық пен қатал ойын, тапқыр шешімдер, киім ауыстырумен байланысты күлкілі жағдайлар, түңілу мен әшкерелеу... Әлбетте, ең бастысы – Гаэтано Доницеттидің нағыз музыкалық жауһары!

Бір сөзбен айтқанда, көрермен қауымды өмір мен театр мерекесі күтуде!

БАСТЫ КЕЙІПКЕРЛЕР ЖӘНЕ ОРЫНДАУШЫЛАР:

Норина –           Әсем СЕМБИНА

Эрнесто –          Әлихан ЗЕЙНОЛЛА

Малатеста –     Сұлтан БАҚЫТЖАН

Дон Паскуале – Ержан САИПОВ

Карлито –         Рамзат БАЛАКИШИЕВ

«АСТАНА ОПЕРА» ТЕАТРЫНЫҢ ОПЕРА СОЛИСТЕРІ, ОРКЕСТРІ, ХОРЫ ЖӘНЕ МИМАНСЫ

«Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді.