ТЕМІРТАС. Премьера!

Қашанда қазақтың тағдырлы тарихында сөзі- ойсыз айтылып, мұңсыз жырланбаған. Кейде, бір ән-бүкіл елдің сыры, бір дәуірдің жүгі боп та мық шегедей мықшиып тұрады. Сондай әндердің бірі- Біржанның «Теміртасы»!

Бұл қойылымда Біржанның ғана емес, бүкіл қазақтың мұң-намасына айналған әндер сыр шертеді. Сізбен сырласады. Иә, бізбен мұңдасады. Шығу тарихы мен шырқау шегіне дейін әр қырынан ашып беретін «Теміртас» реквиемі-әлі де болса актуалды екені ащы шындық!..

Ал, шындықтан сөз де бұқылмайды, саз да бұзылмайды. Қойылым көрерменді ойға жетелеп, мұңға батырып, санасын сілкіп, қайта жігерлендіріп отыратын құмбыл-формасымен ерекше!