Jullien Dassin
тәулік бойы қолдау қызметі:
+998(90)359-44-80 +998(93)517-78-07

«Жасырын неке»

2021 / 2022                   К.Байсейітова атындағы Камералық зал                   IХ маусым

13 қараша * сенбі * 18.00

14 қараша * жексенбі * 18.00

 

«PICCOLO» ТЕАТРЫ

 

Доменико Чимароза

«Жасырын неке»

екі бөлімді опера-буффа

Либретто авторы – Джованни Бертати,

Джордж Колман (әкесі) мен Дэвид Гарриктің аттас ағылшын комедиясы негізінде

Премьера: 1792 жылғы 7 ақпан, Вена Сарайының театры
«Астана Операдағы» премьерасы – 2021 жылғы 30 қыркүйек, 1, 3, 4, 7 қазан

КӨРКЕМДІК-ҚОЙЫЛЫМДЫҚ ТОП:

Қоюшы дирижер – Абзал Мұхитдин, Қазақстанның еңбек сіңірген қайраткері
Дирижер – Руслан Баймурзин
Көркемдік жетекші және қоюшы режиссер – Алла Симонишвили
Сценограф әрі костюмдер бойынша суретші – Манана Гуниа
Хореограф – Ғалия Бөрібаева, Қазақстанның еңбек сіңірген қайраткері
Опера труппасының директоры – Азамат Жылтыркөзов, Қазақстанның еңбек сіңірген
қайраткері
Жобаның техникалық директоры – Виктор Караре
Жарық бойынша суретші – Сергей Кулак
Режиссердің көмекшілері – Алтынғаным Ахметова, Айнұр Халелова
Концертмейстерлер – Елена Сахно, Ирина Кургузкина, Меруерт Жекенова,
Жаңыл Рақымбекова, Салтанат Ақбасова, Айшабибі Асқарова, Зару
Жазықбаева
Жоба үйлестірушісі – Маржан Жәкенова

Әуел баста сәттілік серік болған «Жасырын неке» Д.Чимарозаның 65
операсының ішінде қазіргі таңда тыңдарманның құлақ құрышын қандырып келе
жатқан жалғыз туындысы болып қала бермек.
Көптеген ел кезген италиялық сазгер ІІ Екатерина сарайында композитор
қызметін атқарып, Ресейден Венаға оралады, мұнда ол Моцарт арман еткен осындай
лауазымды иеленеді. Ол «Жасырын некені» император ІІ Леопольдтің сарайында
жазған. Операны ұнатқаны соншалық (оқиға осылай баяндалады), монарх
актерлерді түскі асқа шақырып, содан кейін оны қайта орындауды талап еткен.
Операның әлемдік тарихында ұзаққа созылған бұдан өзге бис болмаған.
Операның сюжеті күрделі махаббат шытырмандарына толы. Оқиға бай көпес
қарт Джеронимоның үйінде өрбиді, онымен бірге бір шаңырақ астында қыздары –

Элизетта мен Каролина, қарындасы – дәулетті жас жесір Фидальма, ақылды жас
есепші Паолино тұрады. Джеронимоның арманы – қыздарын ақсүйек жігіттерге
ұзату, алайда ол кіші қызы Каролинаның Паолиномен жасырын некеге тұрғанынан
хабарсыз.
Паолино қайын атасының көңілін табу мақсатында, қыздың мол жасауы үшін
Джеронимоның отбасымен туыс болуға әзір тақырға отырған граф Робинзонды
тауып алады. Паолиноның ойындағы айла-есепке қарамастан, граф көпестің үлкен
қызы Элизеттаға емес, Каролинаға үйленгісі келеді. Фидальма да өзінің жеке өмірін
реттеуді жөн көріп, Паолиноны таңдайды...
Әрі қарай түсініспеушіліктер, күлкілі жағдайлар мен қызғаныш көріністері,
соңында, әлбетте, бақытты финал орын алады.
Чимарозаның шығармашылығы өзінің көптеген замандастары басынан
өткергендей, Моцартқа тән кемеңгерліктің қуатты ықпалына тап болды. Композитор
еуропа әдебиетінің сатирасы дәстүріне бет түзей отырып, опера формасының
классикалық құрылымын таңдады.
«Жасырын неке» операсы ансамбльдік көріністерге бай, сонысымен
музыкалық бояуы мен драматургиялық құрылымы сан алуан.
Аталмыш шығарма романтизм кезеңінде қалыптасқан dramma giocoso (көңілді
драма) стилінің дамуы мен тереңдеуінің озық үлгісі болып табылады.
Чимарозаның жауһарында «музыкалық комедиялар үшін жалғыз ғана сай
келетін нағыз жеңіл алтын реңк бар... бұл музыкада бәрі де бұлақтай атқылап,
меруерттей жеңіл әрі көңілді құбылады, бұдан тыңдарман тек рахатқа бөленеді»
(Э.Ганслик).
Доменико Чимароза комедиялық операның 60 жылдан астам даму жолын
түйіндей келе әрі өзінің отандасы әйгілі Джоаккино Россинидің жетістіктері үшін
жағдай жасап, осы жанрдың өркендеуіне өзіндік үлес қосты.

БАСТЫ КЕЙІПКЕРЛЕР ЖӘНЕ ОРЫНДАУШЫЛАР:

ДЖЕРОНИМО – Алтынбек ӘБІЛДӘ
ГРАФ РОБИНЗОН – Евгений ЧАЙНИКОВ
КАРОЛИНА – Либуше САНТОРИСОВА (Чехия) / Елена ГАНЖА
ЭЛИЗЕТТА – Альфия КАРИМОВА, Башқұртстан Республикасының Халық әртісі
ПАОЛИНО – Нарұл ТОЙКЕНОВ
ФИДАЛЬМА – Малика МИНИЗИНИ / Татьяна ВИЦИНСКАЯ

«АСТАНА ОПЕРА» КАМЕРАЛЫҚ ОРКЕСТРІ, ОПЕРА СОЛИСТЕРІ ЖӘНЕ

МИМАНСЫ

Ұзақтығы – 1 сағат 45 минут (бір үзіліспен)

Итальян тілінде орындалады

(қазақ және орыс тілдеріндегі субтитрмен қамтылған)

Дирекция өзіне орындаушыларды ауыстыру құқығын қалдырады