Аспан қарлығаштары (КАТМК)

Оперетта оқиғасы XIX ғасырдың бірінші жартысында Франция провинциясында орын алады. «Аспан қарлығаштары» сопылық пансионының Дениза де Флавиньи есімді жас тәрбиеленушісі музыка пәнінің мұғалімі Селестеннің құпиясын ашады: ол ондай беймаза, жәдігой адам емес болып шығады екен. Ол екі түрлі өмір сүреді екен, пансион қабырғаларының сыртында ол Флоридор есімді өмірін жайдары өткізіп, шағын театрға оперетта жазып жүретін еркін адам екен, ал сол театрда оның Коринна есімді ғашығы жұмыс істейтін болып шығады. Бір күні кеште Селестен пансионнан жасырын түрде қашып шығып, өзінің соңғы туындысының орындалуын көру үшін қалаға жөнеледі. Ал Дениза оның соңынан театрға беттейді. Қызуқанды Коринна үлкен жанжал шығарып, опереттада ойнауға бас тартады. Сөйтіп оның орнына партитураны жатқа білетін Дениза «Мадемуазель Нитуш» лақап атымен сахна төрінде өнер көрсетіп, көрермендердің көңілін жаулап алады. Көрермендер арасында болған Фернан есімді жас жігіт Денизаға ғашық болады. Бірқатар күлкілі келеңсіздіктерден кейін барлық кейіпкерлер бақытты финалға жетеді.