«Sunny day music»

Өтетін орны: Астана қ., Кенесары к-сі, 32, Е. Рахмадиев атындағы Мемлекеттік академиялық филармония

Күні: 11 маусым 2023

Басталуы: 17:00 

Жанр: Классикалық музыка

Ұзақтығы: 1 сағат 30 минут 

Жас шектеуі: 7+ 

Қосымша:

 

 

«Sunny Day music» - құстар сайрап, гүлдер мен ағаш жапырақтары батып бара жатқан күн сәулесімен алтын түске боялған шуақты жаз күніне арналған ең жақсы музыкалық сый. Концерттің репертуары сиқырлы әуендер мен шебер орындау арқылы тек өнер ғана мәңгілікке баурап алатын қол жетпес уақыттың сұлулығын сезіну үшін таңдалған...

Бағдарламаны Ян Сибелиустың № 4 фортепианолық триосы, «Lovisa» до мажор шығармасы ашады. Ян Сибелиус – атақты фин композиторы (1865-1957), ұлттық музыка мектебінің негізін қалаушы және шығармашылығы батыс еуропалық романтизм дәстүрінде дамыған ең ірі өкіл. Сибелиустің негізгі шығармашылық жетістіктері оркестрлік музыка саласында шоғырланған, сонымен қатар 150-ден астам фортепианолық шығармалар жазған, олардың көпшілігі бос уақытында жазылғанына қарамастан, ең жоғары деңгейдегі шығармалар. Пианиношы Гленн Гульд композитордың шеберлігіне баса назар аудара отырып, «Сибелиустің фортепианолық шығармаларында – бәрі музыка, бәрі ән салады...» деген. Сибелиус № 4 фортепиано триосын  1888 жылдың жазында өзінің сүйікті жазғы демалыс орны Ловиздегі тәтесінің вилласында жазды. Сондықтан атауы осындай. Шығарма отбасылық орындауға жазылған - Ян өзі скрипкада, әпкесі фортепианода, ал ағасы виолончельде ойнаған. Бұл жұмыста Сибелиус классицизм шеңберінен шығып, жазғы күн мен көңіл-күйдің түстері үшін меланхолик романтизм әдістерін қолданған.

 «Sunny day music» бағдарламасының екінші бөлімінде - Клод Дебюссидің Фортепианолық триосы, соль мажор (1862-1918). Француз композиторы, музыкалық импрессионизмнің жетекші өкілі бұл шығарманы 18 жасар бала кезінде оқуын бастамас бұрын жазды. 1880 жылдың жазында жас Клод бай орыс меценаты Надежда фон Мектің отбасында үй пианисі және музыка мұғалімі ретінде Швейцария мен Италияны аралады. Дебюсси оның қыздарына музыкадан сабақ берді. Ал Дебюсси өзінің алғашқы камералық жұмысы «Фортепиано триосын» жазғы кештердің бірінде табиғат пен шәкірттерінің сұлулығынан шабыттанып жазды. Ұзақ уақыт бойы жоғалған деп есептелген ноталары бар қолжазба тек 1986 жылы табылып, жарық көрді. Сыншылардың пікірінше, жас кезінде жазылған бұл шығарма композитордың болашаққа тән эстетикасын көрсетеді: модальды әсер, жеңілдік, белгілі бір мөлдірлік пен өзіндік ырғақтық ерекшелік...

Концерттік бағдарламаны ұлы неміс композиторы, виртуоз пианист және романтикалық кезеңнің дирижері Иоганнес Брамс (1833-1897) аяқтайды. Брамс симфониялық оркестрге, камералық ансамбльдерге, фортепианоға, және хорға арналған шығармалар жазды. Оның есімі «Б үштігіне» енген - Бах, Бетховен, Брамс - классикалық музыканың үш тірегі. 

Брамс Фортепианолық трио № 2 до до мажор, № 87 шығармасын 1880-1882 жылдар аралығында жетілген және өзін-өзі сынайтын шағында жазды. Ол 1882 жылы Жоғарғы Австрияның Бад-Ишльдегі курорттық қаласындағы жазғы демалысынан кейін туындыны аяқтады.

Жаз – «Sunny day music» концертінің барлық үш туындысын ұсыну уақыты, көрермендер 19 ғасырдың аяғындағы композиторлардың жазғы көңіл-күйі мен 2023 жылдың маусымындағы жазғы көңіл-күйді салыстыруға мүмкіндік алады, сонымен қатар еліміздегі ең танымал FORTE TRIO-ның күрделі және ойластырылған өнерін тамашалайды.

Қазақстан Республикасының «FORTE TRIO» мемлекеттік триосы – Қазақстанда ғана емес, шетелде де кеңінен танылған камералық-аспаптық ансамбльдердің бірі. «FORTE TRIO» – 2013 жылы ҚР еңбек сіңірген қайраткері, «Құрмет» орденінің иегері, профессор Тимур Урманчеев (фортепиано) құрған ансамбль. Ол Қазақстанның музыкалық тарихында алғаш рет үш аспапты – фортепиано, скрипка және виолончельді біріктірді. Ұжым құрамында көркемдік жетекшімен бірге ҚР Тұңғыш Президенті Қоры сыйлығының лауреаты Мұрат Нарбеков (виолончель), халықаралық байқаулардың лауреаты Мақсат Жүсіпов (скрипка). «FORTE TRIO» репертуары барокко музыкасынан джазға, классикалық шығармалардан заманауи композицияларға дейін кең ауқымды қамтиды. Талантты музыканттар әлемдік музыка мәдениетінің көрнекті жауһарларымен көпшілікті таныстыра отырып, орындаушылық өнердің биігіне бет бұрады. «FORTE TRIO» қазақстандық өнерді әлемнің ең беделді алаңдарында тұрақты ұсынып отырады, сонымен қатар көптеген халықаралық музыка фестивальдеріне қатысады.