Облыстық филармония сахнасында рок симфония

Бағдарлама қонағы ретінде эстрадалық симфониялық оркестрмен бірге солист-аспапшы (виолончель), дирижер және композитор Денис Шаповалов (Мәскеу) өнер көрсетеді.

Петропавл қаласының көрермендеріне Денис Шаповаловтың «Рок стиліндегі симфония» авторлық туындысы ұсынылмақ. Ал солист ретінде электро виолончельде ол Queen, Pink Floyd, AC/DC, Nirvana және басқа да танымал топтардың танымал әндерін орындайтын болады.

Ақан Сері атындағы Солтүстік Қазақстан облыстық филармониясының эстрадалық симфониялық оркестрімен бірге ол сахна төрін саз әуендеріне көмкермек.

Сондай-ақ, дирижерлік жетекшілікті жобаның қонағы, Қазақстан Республикасының еңбек сіңірген қайраткері, Өскемен қаласының Құрмет орденінің иегері Александр Галсанов өз қолына алатын болады.

Эстрадалық симфониялық оркестрге ҚР халық әртісі Абзал Мұхитдин көркемдік жетекшілік етеді.