Барып тұрған ақымақ

«Барып тұрған ақымақ» - драма, авторы - С. Баженова, қоюшы-режиссер - В. Дроздецкий, қоюшы-суретші - Т. Ушакова. Махаббат әртүрлі болуы мүмкін. Өз ісіңе деген махаббат, әйелге деген махаббат, ананың баласына деген махаббаты... Міне, балаға деген осы махаббат бәрін жаулап, өз жолындағы дүниенің бәрін ойсыратып тастауы мүмкін. Осы махаббаттың жойқын болғаны соншалық, ұлы ересек бола тұрып, әлі күнге дейін жеке өмірін құрастыра алмады, алайда табысты ғалым болды. Мұндай жағдайға Светлана Баженованың «Зояның қаздарды тамақтандырғаны» пьесасы бойынша қойылған «Барып тұрған ақымақ» қойылымының кейіпкері тап болады. Бұл қойылымды қоюшы-режиссер және Теміртау балалар мен жасөспірімдер театрының жетекшісі Владимир Дроздецкий махаббат туралы оқиға деп атайды. Әрине, бұл тағы бір дүние туралы оқиға, ал оның мәні әрбір көрермен үшін әртүрлі болуы мүмкін.

Режиссер туралы: Владимир Владимирович Дроздецкий 1992 жылы Алматы қаласындағы Т. Жүргенов атындағы Мемлекеттік өнер академиясын бітірген. 2004 жылдан бастап Теміртау балалар мен жасөспірімдер театрында жұмыс атқарады. 1992-2014 жылдары Теміртау қаласының жастар театр студиясының көркемдік жетекшісі болған. 

Қоюшы-режиссер ретінде театрда спектакльдер қоюды жүзеге асырады. Театрда жұмыс істеген кезінде Владимир Владимирович 17 спектакль қойып, оны аймақтық, республикалық және халықаралық фестивальдарда лайықты түрде ұсынған еді, онда ол бірнеше рет фестиваль дипломанты немесе лауреаты атағын алды. 

Драматург туралы: Светлана Эдуардовна Баженова, ресейлік драматург. 1990 жылы Омбы қаласында дүниеге келген. Ф.М.Достоевский атындағы Омбы мемлекеттік университетін «актерлік өнер» мамандығы бойынша және Екатеринбург мемлекеттік театр институтын (Николай Коляданың шеберханасын) «әдеби шығармашылық» мамандығы бойынша бітірген.
ТОП-театрында актриса қызметін атқарды. Екатеринбургтегі заманауи драматургия орталығында режиссер болып жұмыс істеді. Қазір «Омск» заманауи драматургия орталығының директоры және көркем жетекшісі (2017). «Еуразия-2013» байқауының арнайы жүлдесінің лауреаты, «Еуразия-2014» байқауында екінші, «Еуразия-2015» байқауында бірінші орын алды.

Светлана Баженова драматургиямен 21 жасында айналыса бастады. Алғашқы басылым 2013 жылы «Современная драматургия» журналында жарық көрді. Сол жылы жас автор «Басқаша», «Алексей Волковпен сұхбат» пьесаларымен «Дебют» сыйлығының лонг-парағына кірді.