Төлеген Мұхамеджановтың авторлық кеші «ASTANA BALLET» театрында

Қазақ композиторы Төлеген Мұхамеджановтың «Астана Балет» театрының сахнасындағы концерті композитор музыкасының барлық жанкүйерлерінің назарын аудармақ.

Қазақстанның еңбек сіңірген қайраткері, Қазақстан Республикасы Мемлекеттік сыйлығының лауреаты түрлі жанрдағы көптеген тамаша шығармалар шығарды.

«Астана Балет» сахнасында орындалатын концерттік бағдарламаға кинофильмдердің саундтректері, симфониялық туындылар мен поэмалар, «Тағзым» - хор, скрипка, фортепиано және оркестрге арналған поэмасы, «Bliss of Music» - скрипка мен оркестрге арналған соло, «Қалың елім қазағым, қайран жұртым» - қобыз, домбыра, сыбызғы, хор мен оркестрге арналған пьеса және әйгілі композитордың басқа да шығармалары.

Концертке майталман скрипкашы Айман Мұсақожаева, баритон Сүндет Байғожин, Гүлмира Құттыбадамова басқаратын Е.Рахмадиев атындағы Мемлекеттік филармонияның камералық хоры, Ботагөз Тәшімова (қобыз) және Ержан Тоқсабанов (домбыра) қатысады