Қарагөз

Қойылым - қазақ әдебиетінің інжу-маржанына айналған махаббат дастанына құрылған. Ұлттық салттың салтанаты мен дәстүрін бүгінгі қоғамға дәріптейтін, бабалар тарихы жолында «махаббат пен дәстүр тартысының» таразыға түскен сәтін шебер суреттейтін, танымы мен берері мол қойылым. Махаббат үштігі Нарша-Қарагөз-Сырым арасындағы тартыстың «жеті ата» заңдылығынан асып кете алмай, соңы Қарагөздің қасыретімен аяқталады. Сезім - лыпый сырғыған сынап. Қай уыстың пәрмені мықты?! Ұлт дәстүрін бұлжытпастан бүгінгі күнге жеткізуші парасат иесі Мөржан бәйбішені кінәлауға бола ма?