JCS Алматы қаласында

JCS - ЖАНДЫ ӘУЕН, ТЕРЕҢ СЕЗІМ, ҰМЫТЫЛМАС КЕШ!

Құрметті достар! 1997 жылы Алматы қаласында құрылған JCS тобы сіздерді джаз, шығыс әуендері мен тірі музыканың қуатты энергиясы тоғысатын ерекше концертке шақырады!

JCS (Jazz Chai Specification) - бұл шығыс пен батыс мәдениеттерінің түйіскен тұсында дүниеге келген эксперименттік музыкалық жоба. Қазақтың дәстүрлі әуенінен, джаздан, рок пен фанк бағыттарынан шабыт алған топ ешкімге ұқсамайтын ерекше дыбыстық әлемін қалыптастырды. Олардың стилі «буырқанған сабырдың» музыкасы, яғни импровизация еркіндігі мен шығыс философиясының тереңдігін үйлестіре білген тепе-теңдік.

Шығармашылық жолында JCS қазақстандық джаз-фьюжн бағытының алғашқы қарлығаштарының біріне айналып, ірі халықаралық фестивальдерде өнер көрсетіп, тек отандық емес, шетелдік көрерменнің де ыстық ықыласына бөленді.
«Жизнь была бы сказкой», «Мой дом», «Я люблю тебя» сынды танымал әндері тыңдарман жүрегінен берік орын алды.
Әрбір концерті - нағыз жанды эмоция, көрерменмен жүрекке жетерлік музыкалық диалог. Бұл кеш - өнер мен рухтың үнқатысы. Сізді де бірге сезінуге шақырамыз!