«Счастье по заказу» музыкалық комедиясы

Бір пәтерде бір-біріне жіпсіз байланғандай екі әйел, анасы мен қызы, тұрады екен. Бірінің өмірі өз мәресіне жете берсе, екіншісі жастық шақтан өтіп, отбасылы болу укақытынан да асып кеткен. Бірі мүгедектіктен сыртқа шыға алмаса, екіншісінің анасын жалғыздықта қалдыруға дәті бармас.

Алайда кенеттен Жаңа жыл қарсаңында күтпеген хас ғажап орын алады. Ғажап дегенге сиқыр деп қалмаңыздар, олардың өмірінде жаңа адам пайда болады.

Өршіл мәтін, қызықты оқиғалар мен жүректі елжіретіп жіберетін адами қарым-қатынастар сахна төрінде және көрермен залында махаббат пен отбасылық жылу атмосферасын орнатары сөзсіз.